As bandas rugosas que existían no firme da calzada que une Rubiáns con Zamar. A iluminación pública en varios tramos das estradas que comunican Rubiáns con Zamar e Zamar con Cornazo. Todos eles son elementos que foron retirados con motivo da construción do novo viario de enlace entre o Porto e a autoestrada. Elementos cuxa reposición reclama Independentes por Vilagarcía.

A formación que lidera José Luis Rivera Mallo dirixiuse onte á alcaldía para solicitar unha intención urxente do Concello nesta materia, logo de dous escritos presentados en decembro sen resultado. Na súa petición, Ivil recorda ao goberno local que no lugar do que foi retirada unha banda rugosa «producíronse distintos accidentes de tráfico debido ao exceso de velocidade co que circulaban os vehículos». Rivera Mallo apela á necesidade de garantir a seguridade dos veciños.
(Fonte: La Voz De Galicia)