Un traballador dunha empresa de aluguer de maquinaria resultou ferido onte ao caer dunha escaleira. Segundo informou o 112, o accidente laboral tivo lugar sobre as tres e media da tarde, nunha empresa sita no lugar chamado A feira nova, na recta de Rubiáns. Un particular chamou ao número de urxencias para informar de que había un traballador ferido, unha persoa que se caeu dunha escaleira.

Ao momento trasladouse ao lugar unha ambulancia que comprobou que o obreiro sufría un traumatismo nunha perna, polo que foi trasladado ao Hospital do Salnés, aínda que non se coñecen máis datos sobre o seu estado de saúde.
No dispositivo desplagado na súa axuda colaborou a Policía Local, a Policía Nacional, Protección Civil de Vilagarcía, o Grumir, o 112 e o 061, segundo informan os servizos de urxencias encargados do caso.
(Fonte: La Voz De Galicia)