Un grupo de veciños de Rubiáns decidiron onte facer públicas as súas queixas polo estado de abandono no que se atopa unha leira situada no lugar de Abelle. Os afectados aseguran esquecer xa a última vez que os seus propietarios arrombaron o predio e lamentan que o Concello tampouco «acabe de tomar cartas neste asunto».
«Alí -asegura un dos veciños- hai de todo, dende ratas ata serpes, e estamos vendidos diante de tanta alimaña porque, con tanta matugueira sen limpar, debaixo daquela vexetación pode vivir calquera becho». Engade o colectivo veciñal que se puxo en varias ocasións en contacto cos responsables municipais, aínda que polo momento as súas xestións non deron resultado: «Estamos fartos, isto é unha barbaridade e ninguén fai nada de nada», a pesar de que un parente da familia propietaria ten unha vivenda xunto á leira en cuestión.
Outro dos riscos que denuncian os veciños é a posibilidade de que se produza un incendio, posto que o terreo sitúase no medio dun grupo de vivendas.

(Fuente: La Voz)