A alcaldesa de Vilagarcía, Dolores García, e o concelleiro de Obras, Manuel Rodríguez Cuervo , visitaron onte as obras que se están realizando na rúa Ensino, que dá acceso ao colexio de Rubiáns.
As actuacións están sendo realizadas por Augas de Galicia, posto que o seu principal obxectivo é mellorar a rede de saneamento. De feito, os traballos prevén a substitución da canalización de fecais e a instalación dun colector para recoller as augas pluviais.
Tras esta obra reporase o firme e dotarase ao viario dunha beirarrúa de tres metros de anchura para mellorar a seguridade dos escolares.

(Fuente: La Voz)