Na tarde do mércores, axentes da Policía Local de Vilagarcía sorprenderon en Ande-Rubiáns a L.B.A., unha moza de 17 anos que conducía un quad que carecía de seguro e levaba a matrícula cambiada. A moza recoñeceu ante os axentes que carecía de carné, polo que se inmobilizou o vehículo e levou ao depósito municipal.

Os feitos tiveron lugar sobre as cinco e media da tarde, e pouco despois a mesma rapariga presentouse nas dependencias policiais coa documentación, pero os axentes comprobaron que a matrícula que figuraba nos papeis non se correspondía coa placa do vehículo inmobilizado. Tras cotejar os datos coa Dirección Xeral de Tráfico, comprobaron que o quad era propiedade dun veciño de Baión, mentres que a placa do vehículo correspondíase con outro de características similares dun veciño de Lleida.

Ademais, o quad que conducía a moza non estaba asegurado, polo que a policía procedeu a tramitar as correspondentes denuncias por carecer de permiso de condución e de certificado de seguro obrigatorio.

(Fuente: La Voz)