O Concello de Vilagarcía aprobou o proxecto para a realización de reformas no centro cultural de Zamar (Rubiáns), consistentes na dotación de novos aseos, ademais da construción dun almacén. As obras teñen un prazo de execución dun mes e un orzamento de 9.000 euros, en execución de contrata.

O proxecto foi redactado polo arquitecto técnico municipal, atendendo a un compromiso do Concello cos veciños do lugar, que solicitaron a reparación do inmoble.

O edificio do centro cultural de Zamar, o antigo teleclub, precisa, dada a súa antigüidade, a realización dalgunhas obras que resultan imprescindibles para atender as necesidades dos usuarios. Os aseos situaranse no espazo que actualmente ocupa o almacén e o almacén pasará a situarse nun lugar que se habilitará para este fin onde está o salón.

(Fuente: La Voz)