A entrada á cidade pola N-640 figura entre os núcleos de maior colapso circulatorio
O organismo pide que se extreme o coidado na operación «fin de agosto»
El acceso a Vilagarcía pola N-640 atópase recollido pola Dirección Xeral de Tráfico como un dos 21 puntos máis conflitivos das estradas da comunidade autónoma galega.

A DXT puxo en marcha un dispositivo especial con motivo da operación especial final de agosto e informou aos condutores sobre os puntos con máis densidade de tráfico na comunidade. Entre eles atópase o acceso a Vilagarcía pola N-640, isto é, a entrada á cidade por Rubiáns desde a estrada de Pontevedra.

Segundo os datos que manexa Tráfico, os vehículos que cada día cobren a distancia existente entre as capitais arousá e provincial son 17.895. Unha cifra que se incrementa considerablemente cando conflúen na entrada de Vilagarcía os automóbiles procedentes de Caldas e da estrada do Pousadoiro.

Esta situación é ben coñecida en Vilagarcía, onde o goberno local baralla varias alternativas para a súa solución. Unha delas é o tan reclamado cinto de circunvalación da cidade, que aliviaría o tráfico ao eliminar os vehículos que pasan polo centro da capital arousá como tránsito cara a outros lugares.

Tamén neste sentido, o PSOE de Vilagarcía propuxo fai algúns días a conversión en autovía da estrada entre esta vila e Pontevedra.

Mentres estas ou outras solucións non chegan, a Dirección Xeral de Tráfico recomenda aos condutores que extremen as precaucións durante os próximos días na operación final de agosto e que tomen itinerarios alternativos sempre que sexa posible.

(Fuente: La Voz De Galicia)
(Foto: Victor Mejuto)