El acceso de Vilagarcía pola estrada Nacional 640 foi cualificado pola Dirección Xeral de Tráfico como un dos 21 puntos máis conflitivos das estradas da comunidade autónoma. Segundo os datos que manexa tráfico, os vehículos que cada día cobren a distancia existente entre as capitais arousá e provincial son 17.895, unha cifra que se incrementa considerablemente cando conflúen na entrada de Vilagarcía os automóbiles procedentes de Caldas e da estrada do Pousadoiro. Estes datos veñen reforzar as teses e demandas do goberno local que encabeza Javier Gago. O grupo socialista considera imprescindible para solucionar os endémicos problemas de tráfico a construción dunha estrada de circunvalación a Vilagarcía. Nesta mesma liña, o PSOE propuxo fai uns días a conversión en autovía do viario cara a Pontevedra