O colexio de Rubiáns comparte con outros tres centros europeos o programa ambiental de Voz Natura no que leva varios anos traballando. O colexio vilagarcián, xunto coa escola Edmundo de Amicis de Montecatino (Italia), o Jean Zay de Orleans (Francia) e un terceiro colexio de Inglaterra, participan nun Comenius que leva por título «Identidade e tradición cultural» e que inclúe contidos relacionados coa natureza. O colexio de Rubiáns achega, entre outros, os proxectos «Recuperación do bosque autóctono» e «Xardín botánico e horta escolar», realizados no marco de Voz Natura.
O curso pasado xa houbo reunións entre profesores do colexio vilagarcián e do centro de Rubiáns, e nos próximos meses realizarase outro intercambio cos de Italia ou Inglaterra. Así, os alumnos europeos poderán coñecer, entre outros programas realizados no centro, os postos en marcha nos últimos anos no marco de Voz Natura.
A experiencia do horto escolar foi merecedora en anos pasados do premio provincial. Nun amplo terreo do patio, os alumnos plantaron en varias parcelas todo tipo de hortalizas, plantas aromáticas e ornamentais, e elaboraron compost, actividades todas elas que tiveron continuidade ao longo deste curso.
Especies autóctonas
O centro contou para iso coa colaboración do departamento municipal de Medio Ambiente, que axudou nas tarefas de plantación. O responsable da área, Mario Vázquez Rubianes, fixo as veces de profesor, indicando aos nenos as especies ás que pertencían as árbores, as súas características e modo de plantación.
(Fuente: Susana Luaña, La Voz De Galicia)
(Foto: V. Mejuto)
0 comentarios (¡PULSA AQUÍ!):
Publicar un comentario